Almatyda monsha kesheni otqa orandy.
Qalanyń tótenshe jaǵdailar departamenti baspasóz qyzmetiniń aqparatyna sáikes, órt Medeý aýdanynda 5 qyrkúiek saǵat 7:49-da shyqqan.
""Lia kýpel" eki qabatty monsha kesheniniń órtenip jatqany anyqtaldy. Ǵimarat penobloktan jasalyp, aǵashpen qaptalǵan. Jalynnyń ózge ǵimarattarǵa aýysý qaýpi boldy", - dedi tótenshe jaǵdailar departamentinde.
Órttiń jasyryn oshaǵyn tabý úshin teplovizor qoldanylǵan.
Aýdanda sý az bolǵandyqtan, "Almaty sýdan" qosymsha sý jetkizildi.
Ǵimarat ákimshiliginiń aitýynsha, keshende demalýshylar bolmaǵan. Órtti sóndirýge jeke quramnyń 34 qyzmetkeri, 8 tehnika kúshi jumyldyryldy.
Órt saǵat 9.58-de sóndirildi.
