Almatyda sanitarlyq-epidemiologiialyq ahýaldyń saqtalýyn baqylaý aiasynda 40 monitoring toby kúsheitilgen rejimde jumys istep jatyr, dep habarlaidy "Ult aqparat".
Ákimdik málimetinshe, 22-27 naýryz aralyǵynda 102 tekserý júrgizildi, onda 1286 nysan qamtylyp, 263 belgilengen jumys rejiminiń buzylýy, epidemiiaǵa qarsy talaptardyń saqtalmaý deregi anyqtaldy.
Zańdy jáne jeke tulǵalarǵa 932 hattama toltyrylyp, jalpy somasy 47 mln teńgeden asatyn aiyppul salyndy.
Monitoring toptary anyqtap, jolyn kesken sharalar arasynda úilený toilary, otbasylyq jáne adamdar kóp jinalatyn ózge de merekelik is-sharalar bar.
Mysaly, Bostandyq aýdanynda ornalasqan «Batyr» meiramhanasynda 50-60 adamnyń qatysýymen otbasylyq shara – 75 jasqa tolý mereitoiynyń ótip jatqany anyqtaldy.
Áýezov aýdanyndaǵy «Parasat» meiramhanasynda 50 adamǵa arnalǵan úilený toiy áshkere boldy. Toidyń bári toqtatyldy. Tiisti sharalar qabyldandy.
Aita keteiik, Almaty epidemiologiialyq jaǵdai boiynsha áli de «qyzyl» aimaqta tur.
Ótken táýlikte qalada 415 adamnan koronavirýs anyqtaldy.
Burynǵysha 65 jastan asqan jáne sozylmaly aýrýy bar adamdar táýekel tobyna jatady, olarǵa múmkindiginshe úiden shyqpaýǵa keńes beriledi.
