Foto: Sputnik Qazaqstan
Politsiia qyzmetkeri meiramhanaǵa ekinshi qabattyń terezesi arqyly kirdi. Video áleýmettik jelilerde tarady, - dep habarlaidy Tengrinews.kz saity.
Oqiǵa Almaty qalasynda bolǵan. Jarokov kóshesindegi úilerdiń turǵyndary kórshiles meiramhanadaǵy shýǵa shaǵymdanǵan.
"Túńgi saǵat eki boldy, tynyshtalatyn emes, mýzykany toqtatpaidy, esigi jabyq. Politsiia qansha saǵattan beri júrdi, mýzykany toqtata almai jatyr", - deidi turǵyndardyń biri oqiǵany videoǵa túsirip.
Nátijesinde politseilerdiń biri shatyrǵa shyǵyp, meiramhanaǵa ekinshi qabattyń terezesi arqyly kirýge májbúr bolǵan.
Meiramhana qyzmetkerleri Jańa jyldy toilaǵan eken. Biraq olar jaqyn mańdaǵy úi turǵyndarynyń tynyshtyǵyn buzǵanyn eskermegen.
"Shaqyrýǵa Býran-126 patrýldik ekipajy bardy. Aqparat rastaldy. Mekeme ishinde adamdar boldy, biraq esigi qulyptaýly jáne politseilerdiń talabyna eshkim qulaq aspaǵan. Sodan keiin patrýldik ekipaj qyzmetkeri, politsiianyń aǵa leitenanty Máýlenqul janasyp turǵan ǵimarattyń tóbesine kóterilip, ekinshi qabattaǵy ashyq tereze arqyly mekemeniń ishine kirip, óreskel zańbuzýshylyqtyń jolyn kesti", - deidi Almaty Politsiia departamenti ókilderi.
Meiramhana iesine qatysty ÁQBtK-niń 437-baby 1-bóligi boiynsha ákimshilik hattama toltyryldy. Tynyshtyqty buzǵany úshin oǵan 15 AEK (55 380 teńge) kóleminde aiyppul salyndy.
Meiramhananyń ózi de keltirilgen qolaisyzdyq úshin keshirim suraǵan.
