Almatyda «mefedron» satqan 24 jastaǵy er adam ustaldy, dep habarlaidy "Ult aqparat".
Jedel-izdestirý is-sharalary barysynda Almaty qalasynyń politseileri psihotroptyq zattardy zańsyz saqtady degen kúdikpen 24 jastaǵy A. esimdi azamatty ustady.
Jeke jáne turǵylyqty jerin tintý kezinde odan aq tústi untaq zaty bar polietilen paketteri men qaǵaz paketteri anyqtalyp, tárkilendi.
"Bul derek sotqa deiingi tergeýdiń biryńǵai tizilimine tirkeldi. Esirtki, psihotroptyq zattar, prekýrsorlar men sol tektesterge sot-meditsinalyq saraptama taǵaiyndaldy. Qorytyndyǵa sáikes tárkilengen zattar “mefedron” psihotroptyq zaty bolyp shyqty. Osy qylmystyq is aiasynda júrgizilgen qosymsha jedel-izdestirý is-sharalary barysynda Naýryzbai aýdanynyń aýmaǵynan esirtki salynǵan taǵy 40 polietilen paketi tabyldy. Almatyda shóptiń jetkizý arnasy anyqtalýda" , – dep túiindedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
