Almatydaǵy meditsinalyq joǵary oqý oryndarynyń stýdentteri koronavirýsqa qarsy vaktsinatsiialaýǵa kómektesip jatyr. Bul týraly onlain brifing barysynda qalalyq qoǵamdyq densaýlyq saqtaý basqarmasynyń ókili Svetlana Sultanǵazieva aitty dep habarlaidy "Ult aqparat".
Qazirgi ýaqytta vaktsinatsiia pýnktterinde jumys isteitin qyzmetkerlerdiń jalpy sany 1700 adamnan asady.
«Ótken aptada meditsinalyq JOO men meditsinalyq kolledj stýdentterin sonymen qatar, internder, rezidentter, bakalavrlar men professorlyq-oqytýshylyq quramyn daiyndadyq. 700-den astam stýdent vaktsinatsiiaǵa oqytyldy. Búginde bul stýdentter saýda ortalyqtarynda jumys istep jatyr. Árine, olar óz betinshe jumys jasamaidy, tájiribeli dárigerler men tájiribeli medbikelerdiń jetekshiligimen jumys isteidi. Bizdiń rezidentterde dáriger sertifikaty bar. Olar dárigerler siiaqty qabyldap, jumys istei alady. Meiirbike isi boiynsha sertifikattalǵan internder tikelei vaktsinatsiia pýnktinde jumys isteidi jáne ekpe salady», - dedi qalalyq qoǵamdyq densaýlyq saqtaý basqarmasynyń ókili Svetlana Sultanǵazieva.
Al, meiirbikelik sertifikaty joq qalǵan internder osy pýnktterde úilestirýshi jáne azamattardyń málimetterin aqparattyq júiege engizetin tirkeýshi retinde qatysady.
