Almatyda biylǵy jartyjyldyqta sapasyz meditsinalyq qyzmet kórsetken densaýlyq uiymdaryna 200 mln teńgege aiyppul salyndy, dep habarlaidy "Ult aqparat".
Almaty qalasy ákiminiń orynbasary Erjan Babaqumarov «Áleýmettik meditsinalyq saqtandyrý qory» KEAQ basqarma tóraǵasynyń orynbasary Lázzat Aqtaevamen megapolis halqyn mindetti áleýmettik meditsinalyq saqtandyrý (MÁMS) júiesimen qamtýdyń mańyzdy máseleleri boiynsha óńirlik shtabtyń onlain otyrysyn ótkizdi.
Otyrysqa ÁMSQ Almaty filialynyń basshylyǵy, qalalyq qoǵamdyq densaýlyq saqtaý, áleýmettik ál-aýqat, kásipkerlik jáne investitsiialar basqarmalary, óńirlik kásipkerler palatasy, sonymen birge memlekettik jáne jekemenshik meditsinalyq mekemelerdiń bas dárigerleri qatysty.
Erjan Babaqumarov jumys berýshiler men iri, orta jáne shaǵyn biznes sýbektileriniń, sonymen birge joǵary jáne orta bilim berý oryndarynyń, halyqtyń jeńildik jasalatyn sanatynyń málimetterin ońtailandyrý qajettigine nazar aýdardy.
Almaty qalasy boiynsha «Áleýmettik meditsinalyq saqtandyrý qory» KEAQ filialynyń direktory T.Ábildaev aǵymdaǵy jyly biýdjet 1,6 ese óskenin jáne 197,6 mlrd teńgeni quraǵanyn aitty. Onyń ishinde COVID-19 kúres aiasynda, epidemiiaǵa qarsy sharalarǵa 12,5 mlrd teńge bólindi. Naýryzdan shildege deiingi aralyqta 27 265 meditsina qyzmetkerine jalpy somasy 8,9 mlrd teńgege ústemeaqy tólendi.
Búginde Almaty qalasynda 154 meditsinalyq uiym MÁMS júiesi aiasynda qyzmet kórsetýde, onyń ishinde 62 paiyzy memlekettik menshik formasynda bolsa, 38 paiyzy jekemenshik ielikte. Kórsetiletin meditsinalyq qyzmet sapasyna turaqty túrde monitoring júrgiziledi. 2020 jyldyń birinshi jarty jylynda kórsetilgen qyzmetterdiń sapasy men kólemi boiynsha 4 myńnan astam buzýshylyq anyqtalǵan, meditsinalyq uiymdarǵa salynǵan aiyppuldar 200 mln teńgeden asty.
Otyrys barysynda meditsinalyq uiymdardyń bas dárigerleriniń MÁMS aiasynda halyqqa meditsinalyq kómek kórsetý týraly baiandamalary tyńdaldy.
Óńirlik shtabtyń tóraǵasy, Almaty qalasy ákiminiń orynbasary Erjan Babaqumarov halyqty MÁMS aiasynda halyqty qamtýdyń keńeitý qala turǵyndarynyń sapaly meditsinalyq qyzmet alý quqyǵymen qamtamasyz etýge qajet ekenin atap ótti jáne basqarmalar men meditsinalyq uiymdardyń basshylaryna atalǵan suraqty erekshe baqylaýǵa alýdy tapsyrdy.
Mindetti áleýmettik meditsinalyq saqtandyrý júiesi halyqqa meditsinalyq qyzmet túrleriniń keńeitilgen paketin, sonyń ishinde qymbat turatyn protsedýralar men operatsiialardy kepildendirilgen tegin meditsinalyq kómek kólemimen shektelmei kórsetýge múmkindik beredi.
