Almaty emhanalarynda SOVID-19-ǵa qarsy revaktsinatsiia bastaldy, dep habarlaidy "Ult aqparat".
Búgin Almatyǵa KVI-ǵa qarsy vaktsinanyń ekinshi partiiasy 1750 doza jetkizildi.
Kovidke qarsy preparatty tasymaldaý barlyq talapqa sai júrgizildi.
«Vaktsina 18 gradýstan tómen emes temperatýrada sýyq tizbekti saqtaý talaptaryna sáikes temperatýralyq tirkeýshi ornatylǵan arnaiy avtokólikpen jetkizildi. Ortasha temperatýra 22-24 gradýsty qurady. Vaktsina birden ortalyqtandyrylǵan vaktsina qoimasynyń muzdatqyshyna salyndy», - dedi Almaty qalalyq ortalyq klinikalyq aýrýhanasynyń epidemiologiialyq qaýipsizdik jáne infektsiialyq baqylaýdy qamtamasyz etý jónindegi direktordyń orynbasary Elvira Ibragimova.
Qala ákimdiginiń málimetinshe, revaktsinatsiia 1750 adamǵa eseptelgen, iaǵni bul alǵashqy vaktsinany alǵan meditsina qyzmetkerleri.
Naýryz aiynda ekinshi kezeń úshin taǵy 9 800 doza jetkiziledi. Sonymen qatar, immýndaýǵa tartylǵan emhanalar jelisi keńeitiledi. Vaktsinalar kelip túskennen keiin óz erikterimen ótinish bildirgen meditsinalyq qyzmetkerler ekpe ala bastaidy.
№36 emhananyń bas dárigeri Gúljainat Tilegen egý aldynda barlyq qyzmetkerler dárigerdiń tekserýinen ótetinin aitty. Ekpeni alǵannan keiin 30 minýt ishinde vaktsina saldyrǵandar jeke bólingen bólmede baqylaýda bolady.
«Búgin 65 meditsina qyzmetkeri ekpe aldy. Vaktsinany alǵandardyń bári ózderin jaqsy sezinedi, eshqandai janama áserler baiqalmaidy. Qalǵan 95 adam erteń vaktsinatsiiadan ótedi», - deidi dáriger.
Onyń aitýynsha,ekpe salynǵannan keiin profilaktikalyq sharalar oryndalýy tiis. Ol áleýmettik qashyqtyq jáne betperde taǵý, al JRVI belgileri anyqtalǵan adamdar dárigerge barýy qajet.
Vaktsinany eń aldymen, immýnizatsiiany juqpaly aýrýlar aýrýhanasynyń, jedel járdem kómeginiń, reanimatsiia, meditsinalyq-sanitarlyq alǵashqy kómek (MASK), qabyldaý bólimshesiniń, sanitarlyq-epidemiologiialyq qyzmettiń jumyskerleri alady.
Ekinshi satyda vaktsinamen jalpy bilim beretin mekteptiń, joǵary oqý oryndarynyń, birinshi satyǵa kirmegen meditsinalyq qyzmet jumyskerlerin qamtidy.
Úshinshi satyǵa mektep-internattyń, mektepke deiingi balalar mekemesiniń pedagogtary, stýdentter jáne sozylmaly aýrýmen aýratyn adamdar, áleýmettik-meditsinalyq mekeme jumyskerleri jatady. Vaktsina alýǵa profilaktikalyq ekpe kezinde qarsy kórsetkishteri bolǵan adamdarǵa ruqsat etilmeidi.
Alǵashqy vaktsina 1 aqpannan 19 aqpanǵa deiin júrgizildi. Nusqaýlarǵa sáikes ekinshi komponent túpkilikti immýnitetti qalyptastyrý úshin 21 kúnnen keiin engizilýi kerek.
