Búgin Almaty qalasy máslihatynyń depýtattary men qala ákimdigine qarasty qoǵamdyq keńes músheleri COVID-19-ǵa qarsy vaktsina saldyrdy, dep habarlaidy "Ult aqparat".
Vaktsinatsiia №17 emhanada ótti. Eriktileler qatarynda Almaty qalasy ákimdigine qarasty qoǵamdyq keńes músheleri - Nurlan Jazylbekov, Janat Qasymjanova, Maqsut Kuljanov bar. Sonymen qatar, Almaty qalasy máslihatynyń depýtatary Altynai Kóbeeva men Ermahan Ibraiymovta koronavirýsqa qarsy ekpe aldy.
Vaktsinatsiia aldynda depýtattar men qoǵamdyq keńes músheleri dárigerden keńes alyp, tekserýden ótti. Ekpeden keiin olar arnaiy bólingen bólmede dárigerlerdiń baqylaýynda jarty saǵat boldy.
«Biz vaktsina saldyrý arqyly ózimiz úlgi kórsetip, azamattyq ustanymymyzdy tanytqymyz keldi. Árqaisymyz burynǵy erkin ómirge qaita oralǵymyz keledi, jaqsy kóńil-kúimen jumysqa barǵymyz keledi, qoǵmdyq oryndarda demalyp, deneshynyqtyrý ne sportpen ainalysqymyz keledi, sondyqtan vaktsina saldyrý nátijesinde eshqandai shekteýsiz ómir súre alamyz, ózimizdi jáne jaqyndarymyzdy aýrýdan qorǵai alamyz. COVID-19-dy toqtatýdyń naqty joly vaktsina saldyrtyp, ujymdyq immýnitet qalyptastyrý ekenin árqaisymyz túsinýimiz kerek»,-deidi Altynai Kóbeeva.
Depýtattardyń aitýynsha, qala turǵyndaryna qazir vaktsina saldyrý úshin barlyq jaǵdailar jasalǵan, óz qalaýymen ár turǵyn tańdaǵan emhanasynda, Saýda oiyn-saýyq ortalyqtarynda jáne basqa da iri qoǵamdyq oryndarda vaktsinany erikti túrde saldyra alady. Ondai oryndardyń tizimi qala ákimdiginiń resmi áleýmettik jelide jáne saitynda jariialanǵan.
Vaktsina saldyrý úshin E-gov, Call-ortalyqtary nemese emhanalardaǵy jedel júieler arqyly aldyn ala jazylyp qoiýǵa bolady, ne emhanaǵa tikelei baryp saldyrtýǵa da bolady. Biz ózimiz kórsetken úlgimiz arqyly qala turǵyndary durys tańdaý jasaidy dep senemiz jáne barlyǵymyz birge COVID-19-dy jeńýimiz kerek.
