Almatyda maska satýmen ainalysqan alypsatarlar ustaldy, dep habarlaidy "Ult aqparat".
Mamandardyń aitýynsha, bul - osy qaladaǵy altynshy jaǵdai.
22 naýryzda QR QM Qarjy monitoringi komitetiniń Almaty ekonomikalyq tekserý departamenti jalpy quny 90 000 000 teńge bolatyn 664 400 maska satqan jeke tulǵany ustady.
«Jeke tulǵa maskany ruqsat qaǵazynsyz saýdalaǵan. Sonymen qatar onyń jeke kásipkerlikti tirkeý nómiri joq bolyp shyqty», - dedi departamentten.
QR Prezidenti janyndaǵy tótenshe jaǵdaidy qamtamasyz etý boiynsha memlekettik komissiianyń №8 hattamasyna sáikes, tárkilengen maska qalalyq qoǵamdyq densaýlyqty saqtaý basqarmasyna berildi.
Aita ketý kerek, QR QM Qarjy monitoringi komitetiniń taratqan aqparatyna sáikes, 12 óńirlik ekonomikalyq tekserý departamentterinde osyndai 17 derek tirkelgen.
3 millionǵa jýyq maska (2 932 019 dana) densaýlyq saqtaý basqarmalaryna berildi.
