Almatyda maska rejimin buzǵany úshin 3 myńǵa jýyq adamǵa aiyppul salyndy. Bul týraly qala ákimi Baqytjan Saǵyntaev Akimat LIVE baǵdarlamasynyń tikelei efirinde aitty, dep habarlaidy QazAqparat.
«Monitorintik toptar aǵymdaǵy jyldyń 5 shildesinen bastap, 7550 nysandy tekserdi, olardyń ishinde 2952 obektiniń karantin jáne maska rejimin buzǵany anyqtaldy. Reid barysynda mamandar 4496 sýbektide túsindirý jumystaryn júrgizdi, 696 nysan jumystaryn óz erikterimen toqtatty. Ákimshilik quqyqbuzýshylyq negizinde 3150 hattama toltyryldy, onyń ishinde zańdy tulǵalarǵa - 126, jeke tulǵalarǵa 3003 aiyppul salyndy. Maska rejimin buzǵandary úshin 2952 adam 30 AEK kóleminde aiyppul tóleitin boldy.
Qalalyqtar rejim talaptaryn buzǵandar týraly infokazakhstan.kz portaly arqyly habarlai alady. Kez-kelgen ǵimarat ishinde tiisti talaptardyń buzylǵandyǵyn sýretke túsirýge jáne jiberýge bolady. Osy arqyly kásipker monitorintik top kelgenshe kemshilikterdi túzei alady. Bul da belgilengen normalardyń saqtalýyn yntalandyrýǵa yqpal etetin bolady.
