Almatyda mas júrgizýshi politsiia qyzmetkerin qaǵyp ketti, dep habarlaidy QazAqparat.
Almaty qalalyq politsiia departamentiniń málimetinshe, túnde «Býran-227» patrýldik ekipajy Qabanbai batyr kóshesinde qarama-qarsy baǵyttaǵy jolaqta kele jatqan «Hyundai» avtokóligin toqtatty.
«Politsiia qyzmetkerleriniń talaptaryna mán bermegen kólik júrgizýshisi qasha jónelgen. Birden radiostantsiia arqyly patrýldik jasaqtarǵa kórsetilgen kólikke baǵdar berildi jáne onyń qozǵalysynyń koordinattary dereý taratyldy. Talǵar qalasynyń baǵytyndaǵy ekologiialyq postta qyzmet etip turǵan politsiia aǵa leitenanty Meiirjan Bisembaev quqyq buzýshyny toqtatýǵa tyrysty, ol toqtamastan, inspektordy tolyq jyldamdyqpen qaǵyp ketti», - deidi Almaty qalalyq PD Jergilikti politsiia qyzmeti basqarmasynyń bastyǵy Manap Sattarov.
Túrli dene jaraqatyn alǵan politsiia qyzmetkeri aýrýhanaǵa jetkizildi.
«Hyundai» júrgizýshisi ustaldy. Quqyq buzýshy – 1962 jyly týǵan Ý.esimdi azamat. Onyń kólikti mas kúiinde basqarǵany anyqtaldy. Bul fakt QR QK-niń 346-baby boiynsha sotqa deiingi tergeýdiń biryńǵai tizilimine tirkeldi», - dedi politsiia ókili.
