Almatyda eki er adam lombard qyzmetkerlerin aldap, tonap ketken, dep habarlaidy QazAqparat.
Almaty qalalyq politsiia departamentiniń málimetinshe, politsiiaǵa lombard qyzmetkerlerinen birneshe aryz túsken.
Izdestirý nátijesinde 24 jáne 20 jastaǵy eki jigit ustaldy.
«Kúdiktiler lombardqa kirip, satylymda turǵan uialy telefondardy tekserý úshin kórsetýin syltaýratyp, qolyna ustai sala qashyp ketken. Keibir jerlerde olardyń zańsyz áreketteri beinebaqylaý kameralaryna túsip qalǵan. Qazirgi ýaqytta ustalǵandar jasaǵan qylmystyq quqyq buzýshylyqtyń 5 deregi dáleldendi. Sotqa deiingi tergeý QR QK-niń 191-baby 2-bóligi boiynsha júrip jatyr», – dedi Alataý aýdandyq PB janyndaǵy politsiia bóliminiń bastyǵy Qumarbek Kenshinbaev.
Belgili bolǵandai, ustalǵandardyń biri osyǵan uqsas qylmysy úshin sotty bolǵan. Ol túrmeden jaqynda bosap shyqty.
Atalǵan azamattardyń áreketinen zardap shekkender myna telefon nómirine habarlasýy kerek: 8-707-882-03-98.
