Naqtylanǵan málimetter boiynsha denesi tabylǵan adam – 17 jastaǵy jigit, dep habarlaidy "Ult aqparat".
“Almaty qalasy TJD jáne Respýblikalyq jedel-qutqarý jasaǵynyń kúshterimen aldyn ala aqparat boiynsha topyraqtyń batpaqtanýyna bailanysty tehnogendik sipattaǵy jyljymanyń túsýi saldarynan ǵimarattyń zaqymdanýy sebebinen qaza tapqan, aldyn ala boljam boiynsha, 2007 jylǵy jigittiń denesi tabyldy”, – delingen qalalyq TJD usynǵan aqparatta.
Medeý aýdanynyń ákimi Erkebulan Orazalinniń aitýynsha, qalǵan 3 adam áli izdestirilip jatyr.
Oqiǵa ornyna jedel járdem keldi.
Saǵat 10:00-degi jaǵdai boiynsha aqparatqa sáikes, Almatyda júzý jiyny ótetin jerde jedel shtab ashyldy. Qazirgi ýaqytta jeke turǵyn úidi balshyq massasynan tazartý jáne adamdardy izdeý júrgizilýde. 182 maman men 32 tehnika jumyldyryldy.
Týystary men kórshilerine shuǵyl psihologiialyq kómek kórsetildi.
“Almaty qalasy TJD jáne respýblikalyq jedel-qutqarý jasaǵynyń kúshterimen topyraqtyń sýlanýyna bailanysty tehnogendik sipattaǵy sý tasqyny saldarynan ǵimarattyń zaqymdalýy saldarynan aldyn ala aqparat boiynsha qaza tapqan er adamnyń denesi tabyldy.Izdeý-qutqarý jumystary jalǵasýda”, – dep málimdedi TJD.
Eske salaiyq, buǵan deiin Almatyda topyraq kóshkini júrip, eki úige zaqym kelgenin habarlaǵan edik. Aldyn ala málimet boiynsha, úilerde tórt adam bolǵan, onyń ekeýi – balalar.
