Almatyda qyzdy tonaǵan jigit videoǵa túsip qaldy, dep habarlaidy "Ult aqparat".
Almaty qalalyq Politsiia departamenti taratqan málimetke sáikes, kúdikti ustaldy. Ol - 22 jastaǵy Túrkistan oblysynyń týmasy.
«Kúdikti qarańǵyda bir qyzdyń sońyna túsip, eshkim joq jerde oǵan shabýyl jasap, uialy telefonyn tartyp alǵan. Abyroi bolǵanda, jábirlenýshi zardap shekken joq. Onyń sózderimen qylmyskerdiń boljamdy beinesin jasadyq, beinebaqylaý júielerin qarap shyqtyq. Qarasai batyr kóshesine ornatylǵan kameralardyń birinde ury óziniń jábirlenýshisiniń sońynan ergen sáti túsip qalǵan. Bul derekter tonaý faktisi boiynsha QR QK-niń 191-baby 2-bóligimen tergelgen qylmystyq is materialdaryna tirkeldi», – dedi Almaly aýdandyq Politsiia basqarmasynyń bastyǵy Esen Ysqaqov.
Onyń aitýynsha, qazir kúdikti ýaqytsha ustaý izoliatoryna qamaldy.
