Almaty ákimdigi KVI juqtyrǵandar sany ósýine bailanysty almatylyqtardy shekteýlerdi saqtaýǵa shaqyrdy, dep habarlaidy "Ult aqparat".
Sanitarlyq-epidemiologiialyq baqylaý departamentiniń málimetinshe, sońǵy táýlikte Almatyda koronavirýs infektsiiasynyń 360 jaǵdaiy tirkelgen.
KVI-ge qatysty epidemiologiialyq ahýal Almatyda 2 naýryzdan bastap baǵalaý matritsasynyń «sary» aimaǵyna, al 10 naýryzdan bastap «qyzyl» aimaǵyna ótti.
Epidemiia bastalǵannan beri koronavirýs infektsiiasynyń 27 361 jaǵdaiy (100 myń turǵynǵa shaqqanda 1 344,7), sondai-aq 1666 koronavirýs pnevmoniiasy tirkeldi.
KVI aýrýynyń ósýi 3 naýryzda bastaldy. Sol kezde táýligine 121 aýrý tirkelip, 13 naýryzda kúnine 360 jaǵdaiǵa jetti. Sonymen qatar, PTR analizderiniń sany ótken aimen salystyrǵanda ósti. Táýligine test tapsyrýshylar sany 5 100-den 6 058 deiin artty.
13 naýryzda anyqtalǵan 360 koronavirýs infektsiiasynyń 359-y jergilikti, 1-i Ystanbuldan kelgen. 269-y simptomady, al 91-i simptomsyz. Búginde juqpaly aýrýlar aýrýhanalarynda 1287 adam (57 bala) jatyr, onyń 14-i óte aýyr, 131-i aýyr, 1142-i ortasha aýyrlyq dárejesinde. Ókpeni jasandy jeldetý apparatynda 7 naýqas jatyr.
Sońǵy 7 kúnde aýrý deńgeii 61,2 qurady, reprodýktivti sany R - 1,3. Ótken táýlikte KVI-men 360 jaǵdai tirkeldi.
Naýryzda KVI epidemiiasynyń ósý tendentsiiasy baiqalady. Máselen, aqpannyń birinshi aptasynda 770 oqiǵa, ekinshi - 740, úshinshi - 721, tórtinshi - 714 jaǵdai tirkeldi. Naýryzdyń birinshi aptasynda 923 jaǵdai tirkeldi, 8-13 naýryz aralyǵynda - 1 365 jaǵdai.
Epidemiologiialyq zertteýler infektsiianyń naqtyly jáne yqtimal oshaqtaryn anyqtady. Demek, aýrý otbasy múshelerinen - 36%, eńbek ujymdarynan - 6%, jaisyz elderge barǵan sheteldik saparlardan 2% juqqan.
Mektepterde 1-5 synyptardan bastap oqýdyń bastalýyna bailanysty 14 jasqa deiingi balalar arasynda infektsiia 22,4%-ǵa ósken.
Sonymen qatar, KVI ósýine simptomsyz naýqastardyń ózin-ózi oqshaýlaý rejimin buzatyn jaýapsyz minez-qulqy yqpal etedi. Mekenjailaryna baryp teksergen kezde 76 naýqas jáne olarmen bailanysta bolǵandar karantin rejimin buzǵan jáne úilerinde bolmaǵany anyqtaldy. Al bailanysta bolǵan 7 adam jumysta bolǵan.
Osyǵan bailanysty Almaty qalasy sanitarlyq-epidemiologiialyq baqylaý departamentiniń mamandary megapolis turǵyndaryn bailanysty shekteýge jáne sanitarlyq qaýipsizdik sharasyn qatań saqtaýǵa shaqyrady. Bul maska kiiý, qolǵa antiseptik jaǵý, qoǵamdyq oryndarǵa barǵanda áleýmettik araqashyqty saqtaý.
«Osy usynystar saqtalmaǵan jáne mereke kúnderi bailanystar kóbeigen jaǵdaida, KVI jaǵdaiynyń kúrt shielenisýi jáne aýrý sany ósýi múmkin. Nátijesinde juqpaly aýrýlar aýrýhanalaryna júkteme artyp, kásiporyndar men uiymdarda karantin sharalary kúsheitiledi. Jaǵdaidyń nasharlaýyna jol bermeý bizdiń ortaq múddemiz. Barlyǵyna jaýapkershilik ári saqtyq tanytý, týystary men dostaryna sanitarlyq qaýipsizdik erejelerin saqtaý qajettigin eskertý qajet. Bul bizdiń bir-birimizdi qorǵaýdyń, densaýlyǵymyzdy saqtaýdyń jalǵyz joly», - dedi Almaty qalasy Sanitarlyq-epidemiologiialyq baqylaý departamenti basshysynyń orynbasary Qalyqova.
