Almatyda epidemiolog KVI kórsetkishiniń ósý sebebin atady, dep habarlaidy "Ult aqparat".
Qalalyq Sanitarlyq epidemiologiialyq departament basshysynyń orynbasary Ásel Qalyqovanyń aitýynsha, KVI kórsetkishiniń artýyna birneshe faktor yqpal etken.
«Naýryz aiynda koronavirýs juǵý kórsetkishiniń artýy birneshe faktorǵa bailanysty. Aýa raiynyń jylynǵanyna orai qala ishindegi jáne syrtyndaǵy migratsiialyq kórsetkish artty. Kóbinese adamdar qoǵamdyq kólikte juqtyryp otyr. Saýda oryndarynda halyqtyń 22 paiyzy juqtyrsa, qoǵamdyq kólikte 18%-y juqtyrady», - dedi brifing barysynda Ásel Qalyqova.
Sonymen qatar, ol qoǵamdyq kólikte juqtyrǵan azamattar ary qarai tizbekti túrde otbasy múshelerine de juqtyratynyn aitty (33% otbasynda juqtyrǵan);
- otbasylyq merekelerdiń artýy – 3% (munyń aldynda – 0,2%);
- 1-5 synyp aralyǵyndaǵy mektep oqýshylarynyń aralas oqytý formatyna ótýine bailanysty 14 jasqa deiingi oqýshylar arasynda juqtyrý kórsetkishi 22,4%-ǵa artqan. Sońǵy 3 kúnde 138-den 169-ǵa jetti.
Sondai-aq, simptomsyz júrgen azamattardyń úi karantinin buzýy, karantin talaptaryn saqtamaýy yqpal etken.
