Almaty onkologiialyq ortalyǵynyń dárigerleri koronavirýs pandemiiasy kezinde qabyldaýdy, diagnostikany, emdeý júrgizýdi jalǵastyryp kúnine kem degende 15 ota jasaidy, dep habarlaidy "Ult aqparat".
Máselen, birinshi toqsannyń qorytyndysy boiynsha Almatynyń onkologiialyq ortalyǵynda barlyǵy 4 myńnan astam onkologiialyq naýqas emdelip shyqty, bul degenimiz ótken jyldyń birinshi toqsanymen salystyrǵanda 14,9%-ǵa kóp.
Emdeý aýqymynyń artýy arqasynda ólim-jitim azaiyp, patsientterdiń ǵumyry uzarýda.
Naýqastarǵa 600-ge jýyq ota jasaldy, 3549 patsient himioterapiia aldy, 200 patsient sáýlelik terapiiamen emdeldi.
Almatyda úsh ai ishinde alǵashqy qaterli isiktiń belgileri baiqalǵan 1092 naýqas tirkeýge alyndy. Tek onkologiialyq skriningterdi júrgizý barysynda 46 qaterli isik belgileri erte anyqtaldy
Onkologiialyq ortalyqtyń bas dárigeri Nursultan Izmaǵambetovtyń aitýynsha, Almatyda aýrýdyń qurylymy boiynsha sút beziniń qaterli isigi 1-orynda (15,8%), 2-orynda - kolorektaldy qaterli isik (9,6%), 3-orynda -ókpe isigi (7,7%).
Jyl basynan beri ortalyqta 207 halyqaralyq telepatologiia júiesi arqyly isiktiń bioúlgisi boiynsha telekeńes, 220 molekýliarlyq-genetikalyq zertteý, 741 KT jáne MRT diagnostikalyq zertteýi júrgizildi.
Mamandar halyqty jyl saiynǵy skriningten ótýge shaqyrady.
«Skriningten ótý erte satydaǵy simptomsyz obyrdy erte anyqtaýdyń tiimdi tetigi bolyp tabylady. Patsientti emdeý neǵurlym erte bastalsa, soǵurlym onyń tolyq saýyǵýǵa múmkindik bar», - dedi Nursultan Izmaǵambetov.
Skriningtik tekserýden ótýdiń nátijesinde sońǵy 3 jyldyń ishinde sút beziniń qaterli isigi boiynsha 200, jatyr moinynyń qaterli isiginiń 40 jaǵdaiy jáne 50-den astam tik jáne toq ishektiń qaterli isikteri anyqtaldy.
Osylaisha, barlyq joǵaryda atalyp ótken anyqtalǵan qaterli isiktiń 90%-y aýrýdyń 1-2 satysynda, iaǵni emdeýdiń tiimdiligine jáne tolyq saýyǵýǵa qoljetkizýge bolady.
