Almatyda qoimada iri órt boldy, dep habarlaidy "Ult aqparat".
Qalalyq tótenshe jaǵdailar departamenti baspasóz qyzmetinen habarlaǵandai, 9 qazan kúni saǵat 17:16 shamasynda Jetisý aýdany Angarskaia kóshesi, 133/A mekenjaiynda qoima órtenip jatqany týraly habarlama túsken.
«Oqiǵa ornyna órt sóndirýshiler jetkende bir qabatty bólek turǵan ǵimarat órtenip jatqany belgili boldy. Qoima túgel temir konstrýktsiiadan jasalǵan. Ǵimarat elektr energiiasynan ajyratylǵan. Órt sóndirýshiler basqa ǵimaratqa kóshý qaýpiniń aldyn aldy», - dedi TJD baspasóz qyzmetinen.
Tilsiz jaý 22 minýtta aýyzdyqtaldy. Qyzyl jalyn sharpyǵan aýmaq anyqtalyp jatyr.
