Almaty ákimi Baqytjan Saǵyntaev koronavirýstyń jańa tolqyny kezinde biryńǵai jalpyqalalyq is-qimyl josparyn ázirlemek, dep habarlaidy "Ult aqparat".
Bul týraly ákim Twitter paraqshasynda jazdy.
«Iskerlik keńeste aǵymdaǵy epidjaǵdaidy jáne onyń qala ekonomikasyna áserin talqyladyq. KVI-diń jańa tolqyny kezinde biryńǵai jalpyqalalyq is-qimyl josparyn ázirlemekpiz. Karantindik shekteýler men biznesti qoldaý sharalaryn barynsha teńdestirý qajet», - dedi ákim jazbasynda.
Keshe qala ákimi tikelei efir arqyly qaladaǵy epid ahýal týraly baiandaǵan bolatyn.
«Ótken aidaǵy kórsetkishtermen salystyrǵanda anaǵurlym tómendegeni anyq. Epidemiianyń qaýyrt sátterinde kúnine 250 adam tirkelgen bolatyn. Al jazylǵandar sany 13 360 adam. Pnevmoniiamen 705 adam tirkelgen. Qazir kúnine 11 adam tirkeledi. Bul jaǵynan da kórsetkishter tómendegen», - dedi B.Saǵyntaev.
Onyń aitýynsha, arnaiy bazadan 180 myń kásipkerlik sýbekti tirkeýden ótken. Qala ákimi ońtústik astananyń burynǵy ekonomikalyq biigine keler jyly shyǵatynyn boljady.
