Almatynyń bas sanitar dárigeri Jandarbek Bekshin qalada koronavirýstyń kezekti tolqyny bolý yqtimaldyǵyn joqqa shyǵarǵan joq, dep habarlaidy QazAqparat.
«Almatyda «omikron» nusqasy COVID-19 epidemiiasynyń kezekti tolqyny ekeni sózsiz. 2022 jyldyń qańtar aiynyń ortasynda «delta» nusqasynyń ornyn birtindep «omikron» basady. Besinshi tolqynnyń shyńy aldaǵy jyldyń naýryz aiynyń ortasynda bolady», - deidi Jandarbek Bekshin.
Jandarbek Bekshin qalada shetelden kelgenderge qatysty aldyn alý sharalary kúsheitilgenin tilge tiek etti.
Onyń málimetinshe, 3-20 jeltoqsan aralyǵynda Almatyǵa 50 myńǵa jýyq jolaýshy kelgen, onyń ishinde PTR anyqtamalary bar 29,7 myń, vaktsinatsiia pasporty bar – 20 myń, onyń ishinde «omikron» shtamy tirkelgen elderden – 2300 jolaýshy kelgen.
«Kelgen barlyq azamattar bir aptalyq oqshaýlanýǵa jáne meditsinalyq baqylaýǵa jiberildi. Olardyń ishinde KVI-men aýyratyn 5 naýqas anyqtaldy, olar infektsiialyq statsionarǵa oqshaýlandy. Aitpaqshy, jolaýshylardyń 90%-y Germaniia, Egipet jáne Ulybritaniiadan keledi, onda jańa shtamm ainalymda»,- dedi Almatynyń bas sanitar dárigeri.
