Almatydaǵy epidemiologiialyq ahýal kúrdeli. Bul týraly onlain brifing barysynda qalanyń bas memlekettik sanitar dárigeri Jandarbek Bekshin málim etti, dep habarlaidy "Ult aqparat".
Jandarbek Bekshinniń aitýynsha, epidemiologiialyq baǵalaý boiynsha qala «qyzyl» aimaqta. Onyń ústine qalada mýtatsiiadan ótken shtamdar taralyp jatyr.
«Bul ózgerister ótken aptada tabyldy. Jalpy koronavirýstyń braziliialyq, britandyq jáne Ońtústik Afrika shtamdarynyń belgileri bar. Zertteý júrgizý kezinde britandyq jáne Ońtústik Afrika shtamdary tabyldy. Soǵan orai qalada shekteý sharalary engizildi. Shahardyń «qyzyl» aimaqqa kirgenine eki aptadan asty», - deidi Jandarbek Bekshin.
Sonymen qatar ol, qazir qalada 3 085 oshaq baqylaýǵa alynǵanyn atap ótti.
«Onyń ishinde úi oshaǵynda 4 myńdai adam meditsinalyq baqylaýda jáne 1233 qala turǵyny jumys isteitin jeri jáne oqý orny boiynsha baqylaýǵa alynǵan. Búgingi kúni 2 759 adam em qabyldap jatyr. Ótken táýlikte 545 adamnan virýs anyqtalǵan. Bizdiń boljam boiynsha jańa shtamdardyń inkýbatsiialyq merzimi eki ese az, al taralýy - eki ese jyldam. Ortasha deńgeidegi aýrýlardyń sany kóbeidi», - dedi ol.
