Almaty qalasy sanitarlyq-epidemiologiialyq baqylaý departamenti qalada mýtatsiialanǵan shtamdardyń tarap jatqanyn málimdep, almatylyqtardy qorǵaný sharalaryn kúsheitýge shaqyrady, dep habarlaidy QazAqparat.
Megapoliste epidemiologiialyq jaǵdai ýshyǵyp tur. Almaty qalasy «qyzyl aimaqta». Epidemiia bastalǵaly beri qalada koronavirýs infektsiianyń 34083 jaǵdaiy tirkelgen, jyl basynan beri- 15562 koronavirýs juqtyrǵan naýqas anyqtaldy. Sońǵy 7 kúnde aýrý kórsetkishi R-1,114 reprodýktivti sanynda 149,4 qurady.
30 naýryz kúni 526 jaǵdai tirkeldi, táýliktik ósim 1,5 paiyz.
«Aýrý juqtyrýdyń kóbeiýi mýtatsiialanǵan shtammdardyń anyqtalýyna bailanysty. Onda inkýbatsiialyq kezeń qysqa. Epidemiianyń damý dinamikasynyń sońǵy 7 kúngi sipattamasy mynandai: 23 naýryzda - 380 jaǵdai, 24 naýryzda – 341 jaǵdai, 25 naýryzda - 330 jaǵdai, 26 naýryzda – 450 jaǵdai, 27 naýryzda - 510 jaǵdai, 28 naýryzda-415 jaǵdai, 29 naýryzda – 545 jaǵdai, 30 naýryzda – 526 jaǵdai»,- deidi Almaty qalasy sanitarlyq-epidemiologiialyq baqylaý departamenti basshysynyń orynbasary Ásel Qalyqova.
Departament taratqan málimetke sáikes, kúsheitilgen karantin sharalarynyń arqasynda saýda ortalyqtaryndaǵy juǵý deńgeii sál tómendegen. Máselen, ol 23,7% - dan 20,5%-ǵa deiin azaiǵan.
