Almaty ákimdigi qarajat boiynsha basty basymdyqty COVID-19- ben kúreske jumsap, qalǵan barlyq shyǵyndardy qysqartpaq. Bul týraly qala ákimi Baqytjan Saǵyntaev «Almaty» telearnasynda ótken Akimat Live baǵdarlamasynyń tikelei efirindegi suraqtarǵa jaýap berý kezinde aitty, dep habarlaidy QazAqparat.
Qala ákimi birinshi kezekte koronavirýsqa qarsy kúres ekenin aitty. Osyǵan bailanysty biýdjettiń barlyq basym emes shyǵyndary qysqaryp, qarajat COVID-19 qarsy sharalarǵa baǵyttalady.
Onyń aitýynsha, buryn josparlanǵan qurylys jobalaryn kelesi jylǵa qaldyrýǵa bolady.
«Pandemiia bastalǵannan keiin biz birden barlyq basqa jobalardy toqtattyq. Kelesi jylǵa deiin pandemiia sozylmaidy dep úmittenemiz. Kelesi jyly jeńil bolady jáne biz josparlanǵan qurylys jobalaryn qaita jandandyramyz», - dedi ákim.
Sondai-aq ol sporttyq-mádeni is-sharalar toqtatylǵanyn atap ótti.
Almatyda koronavirýspen kúreske biyl naýryzdan bastap shamamen 60 mlrd teńge bólindi. Onyń ishinde Úkimet tarapynan 11,5 mlrd teńge bólindi.
Bul qarajat áleýmettik mańyzy bar azyq-túlik taýarlaryna baǵany turaqtandyrýǵa, jeke qorǵanys quraldaryn satyp alýǵa, kireberisterdi, aýla aýmaqtaryn jáne kóshelerdi dezinfektsiialaýǵa jumsaldy.
Sonymen qatar, 16 shildede máslihat biylǵy qalalyq biýdjetti naqtylaý týraly qaýly qabyldaǵan bolatyn.
Onyń aiasynda KVI-men kúresýge 30 milliard teńgeden astam qarjy bólindi. Onyń ishinde koronavirýsty emdeitin gospitalderdi dárimen qamtamasyz etý úshin rezervtik qorlar qurýǵa jáne farmatsevtikalyq kompaniialarǵa paiyzsyz nesie berýge baǵyttalǵan. Sondai-aq «Halyq Arena» bazasynda jumys istep turǵan jáne qurylyp jatqan statsionarlar, OQKA reanimatsiiasy, klinikalyq-diagnostikalyq zerthana jáne juqpaly aýrýlar aýrýhanasy úshin meditsinalyq jabdyqtar satyp alýǵa qarajat bólindi.
