Almatyda epidemiologiialyq jaǵdai jaman emes. Bul týraly onlain brifing barsynda qoǵamdyq densaýlyq basqarmasynyń ókili, telemeditsinanyń direktory Laýra Myrzaǵali aitty, dep habarlaidy "Ult aqparat".
«Naýryzdyń 5-8 aralyǵynda kópshilik qaýipsizdik sharalaryn durys saqtamaǵandyqtan aýrý sany artty. Sondyqtan biz tósek-orynnyń tolýyn 30 paiyz deńgeiinde ustap turý úshin 1 866 oryndy 3400-ge deiin kóbeittik. Basqa aýrýhanalarda da qala turǵyndaryna jedel kómek kórsetý úshin tósek-oryn daiyndalǵan», - deidi ol.
Sonymen qatar, ol Almaty qalasynyń «qyzyl» aimaqqa engenin tilge tiek etti.
«Kún jylyndy, óńirlerden qalaǵa jumys isteýge adamdar kóptep kele bastady. Qurylys jáne vahtalyq jumys maýsymy bastalyp jatyr. Osyǵan bailanysty júris-turys ta kóbeidi. Degenmen qalada qorqatyndai dúrbeleń joq. Bastysy - qaýipsizdik sharalaryn saqtaý kerek», - deidi Laýra Myrzaǵali.
Telemeditsina ortalyǵy direktorynyń sózinshe, adamdar aýrýdy elemeidi.
«Qazir qalada 2 246 naýqas koronavirýs infektsiiasynan em alyp jatyr. Onyń 238-i sońǵy táýlikte tústi. Adamdar kóbine aýrýyn elemei júrip alady. Aýrýhanaǵa túsip jatqandar - negizinen 70 jastan asqan adamdar», - dep qosty spiker.
