Almaty qalasy sanitarlyq-epidemiologiialyq baqylaý departamenti basshysynyń orynbasary Ásel Qalyqova onlain brifing barysynda kornavirý juqtyrǵandar sanynyń artandyǵyn málim etti, dep habarlaidy "Ult aqparat".
Ásel Qalyqovanyń aitýynsha, Almatyda koronavirýsty juqtyryp, aýyrǵandar sanynyń kóbeiýi jalǵasýda. Onyń qashan toqtap, juqtyrý deńgeiiniń tómendeýi bul qala turǵyndarynyń koronavirýstyń aldyn alý sharalaryn saqtaýyna, sondai-aq halyqtyń vaktsinatsiiaǵa qanshalyqty belsendi qatysatynyna bailanysty.
Ázirge Almatyda KVI boiynsha epidemiologiialyq kórinis optimistik baǵytta emes.
«2021 jyldyń basynan beri qalada 24 378 juqtyrý oqiǵasy tirkeldi, sońǵy táýlikte 612 jaǵdai anyqtaldy. Is júzinde 1-13 sáýir aralyǵynda koronavirýs infektsiianyń 8301 jaǵdaiy tirkeldi», - dedi Almaty SEBD basshysynyń orynbasary.
Ásel Qalyqovanyń pikirinshe, halyqqa bosańsymaý kerek, qorǵaný sharalaryn saqtaýdy jalǵastyryp, vaktsinatsiia qarqynyn arttyrý qajet. Sonda ǵana kóktemniń sońynda naýryz jáne sáýir ailarymen salystyrǵanda aýrýdyń azaiǵanyn kórýimiz múmkin.
«Aǵymdaǵy jyly KVI indetiniń damý qarqyny mynadai: qańtar – 3607 jaǵdai, aqpan – 2945, naýryz – 9525, sáýirdiń 13 kúninde – 8301 jaǵdai. Almaty qalasynda koronavirýs infektsiianyń kóbeiý sebepteri, buǵan deiin de aitylǵandai, eń aldymen, COVID-19 mýtatsiialanǵan shtamdarynyń taralýynan. Aýyrǵandardyń kóbeiýi mýtatsiialanǵan shtamdardyń anyqtalýymen sáikes keledi, onda qysqa inkýbatsiialyq kezeń, barlyq jas toptarynyń, onyń ishinde 1 jasqa deiingi balalardyń da juqtyryp, naýqastanýy, infektsiianyń aýyr ótetini jáne odan joǵary ólim-jitim baiqalady», - dedi spiker.
Epidemiolog balalar arasynda juqtyrýdyń kóbeiýine bailanysty ata-analardan balalaryn adamdar kóp jinalatyn jerlerge, onyń ishinde saýda-oiyn-saýyq ortalyqtarynda bolýyna jol bermeý sharalaryn qabyldaýǵa shaqyrdy. Sonymen qatar, eresekterge karantin kezeńinde balalardy úide bos otyrmaýyn qamtamasyz etý kerek.
