Almatyda epidemiologiialyq ahýal turaqtalyp keledi. Bul týraly «Ákimdik Live» baǵdarlamasynda qala ákimi Baqytjan Saǵyntaev aitty, dep habarlaidy "Ult aqparat".
Ýaqytynda ótkizilgen profilaktikalyq sharalardan soń qalada koronavirýs jaǵdaiy azaiǵany baiqalady.
Qala boiynsha búginde 14 233 naýqas tirkelgen. Qalada 8 adamda KVI diagnozy rastalǵan.
«Ótken aidaǵy kórsetkishtermen salystyrǵanda anaǵurlym tómendegeni anyq. Epidemiianyń qaýyrt sátterinde kúnine 250 adam tirkelgen bolatyn. Al jazylǵandar sany 13 360 adam. Pnevmoniiamen 705 adam tirkelgen. Qazir kúnine 11 adam tirkeledi. Bul jaǵynan da kórsetkishter tómendegen», - dedi B.Saǵyntaev.
Odan bólek, qaladaǵy statsionarlyq ortalyqtardyń qanshalyqty jumys istep turǵanyn tilge tiek etti.
«Qazir infektsiialyq statsionarlar 18 paiyzǵa istep tur. 3673 tósek oryn rezervte tur. Iaǵni, qazir tósek-oryndardyń 82 paiyzy bos tur. Jańa aýrýhanalardyń qurylysy qazanda aiaqtalaryn eskersek, biz bul kórsetkishti 7 myńǵa jetkizemiz. Búginde 39 adam jansaqtaý bóliminde jatyr. 314 patsient ambýlatoriialyq em qabyldap jatyr», - dedi ákim.
Alaida, ol virýs eshqaida ketpegenin, saqtyq sharalaryn saqtaý kerektigin túsindirdi.
«Eger biz áleýmettik qashyqtyqty saqtamasaq, maskalyq rejimdi buzsaq, burynǵy qalpymyzǵa kelýimiz múmkin», - dedi ákim.
