Almatyda koronavirýs juqtyrǵan sońǵy 14 adamnyń 12-ci - meditsina qyzmetkerleri, dep habarlaidy "Ult aqparat" coronavirus2020.kz silteme jasap.
Atalmysh, 13 jaǵdai sol jerde bailanysta bolǵandardan jáne 1 jaǵdai syrttan juqtyrylǵan. Onyń ishinde 11 áiel jáne úsh er adam. Onyń 12-i qalalyq statsionardyń qyzmetkerleri. Olardyń arasynda eki dáriger jáne 10 medbike bar.
Eki adamnyń jaǵdaiy polisegmentti pnevmoniiaǵa bailanysty aýyr dep baǵalanady. Qalǵandary - qanaǵattanarlyq.
«Ókinishke orai, zardap shekkenderdiń arasynda halyqqa meditsinalyq kómek kórsetetin meditsinalyq uiym qyzmetkerleri arasynan patsientter tirkelgen. Biz halyqty úreilenbeýdi suraimyz! Osy sanattaǵy adamdar karantinge qaramastan ózderiniń laýazymdyq mindetterin atqardy. Olar aýrý qaýpi bar aimaqta turǵan alǵashqy adamdardyń biri bolyp tabylady, óitkeni aldyńǵy qatarda tur. Olar emdelýshi oǵan muqtaj bolǵan kez-kelgen jaǵdaida kómek kórsetti. Olar kez kelgen adamnan, onyń ishinde simptomsyz tasymaldaýshydan juqtyrýy múmkin. Qazirgi ýaqytta epideomologiialyq tergeý júrgizilýde. Jaǵdai qalanyń jedel shtabynyń baqylaýynda. Infektsiianyń taralýyna jol bermeý boiynsha belgili bir sharalar júrgizilýde. Olarmen bailanysta bolǵan barlyq adamdar izdestirilip, karantinge ornalastyrylady», - dep atap ótti Almaty qalasy Qoǵamdyq densaýlyq basqarmasynyń basshysy Tileýhan Ábildaev.
Qalǵan ekeýi - jergilikti bailanysta bolǵan 2000 jylǵy jas jigit, al 24 jastaǵy qyz Kýalý-Lýmpýr reisimen ushyp, ol statsionarda.
Qalada koronavirýs infektsiiasynyń 137 rastalǵan oqiǵasy tirkelgen. Infektsiialyq statsionarlarda 108 jaǵdai (oblystardan), onyń ishinde 4 bala. 80 naýqastyń jaǵdaiy qanaǵattanarlyq. 7 - aýyr, 21 eresek adamnyń jaǵdaiy (oblystyń birinde) - ortasha. Provizorlyq ortalyqtarda 138 adam, olardyń - 9 bala, 386-i karantinde, al 5 334 adam úi karantininde.
