Almatyda koronavirýs juqtyrǵan 3712 naýqas em qabyldap jatyr. Bul týraly qalalyq qoǵamdyq densaýlyq basqarmasy málim etti, dep habarlaidy "Ult aqparat".
Búgin tańerteńgi aqparat boiynsha 657 adamnyń koronavirýs juqtyrǵany anyqtaldy. Munyń ishinde 547-i simptomdy, jeńil jáne ortasha deńgeidegi belgilermen, 110-y simptomsyz aýyrǵan.
«Qazir 7 myń tósek-orynnyń 6 060 tósek-orny iske qosylǵan. Búgingi kúni 3712 naýqas em qabyldap jatyr. Onyń 112-i bala. Jaǵdaiy asa aýyr naýqastar sany - 235, jaǵdaiy aýyr – 767 adam bar. 2945 naýqastyń jaǵdaiy ortasha aýyr. ÓJJ apparatynda – 32, invazivti emes ÓJJ apparatynda – 84, High flow qoldanysta – 84 apparat bar», -dep habarlady basqarmadan.
Meditsinalyq-sanitariialyq alǵashqy kómek mobildi brigadalarynyń jáne telemeditsina ortalyǵynyń ambýlatoriialyq baqylaýynda 6 130 patsient bar, simptomdarmen, aýyrlyqtyń ortasha dárejesimen – 5 266, simptomsyz – 864 adam.
