Almatyda kópqabatty úidiń bir jaq qabyrǵasynyń syrtqy qaptamasy opyrlyp tústi, dep habarlaidy "Ult aqparat".
«Búgin túski saǵat 12:55-te Tótenshe jaǵdailar departamentine Alataý aýdany «Zerdeli» yqshamaýdany, 1/36 mekenjaiynda qatty jeldiń saldarynan 5 qabatty turǵyn úidiń syrtqy qaptamasy qulaǵany týraly habarlama tústi. Úidiń batys jaǵynda 40 sharshy metr aýmaqta qaptamasy opyrylyp túsken. Zardap shekender men qaza tapqandar joq»,– dep habarlady Almaty qalalyq Tótenshe jaǵdailar departamentiniń baspasóz qyzmetinen.
Oqiǵa ornynda Alataý aýdany ákimdiginiń qyzmetkerleri jumys istep jatyr. Úidiń jan-jaǵyna qorshaýlar qoiyldy.
