Almaty politsiiasy er adamnyń estakadanyń shatyryna ne sebepti shyqqanyn anyqtady, dep habarlaidy "Ult aqparat".
Oqiǵa áleýmettik jelilerdi baqylaý barysynda anyqtaldy. Belgisiz er adam joldyń ústindegi kópirdiń tóbesine shyǵyp, ary – beri júrgen.
«Belgili bolǵandai, bul oqiǵa № 6 yqshamaýdanydaǵy Sain kóshesiniń boiynda bolǵan. Saǵat 18:20-da politsiiaǵa er adamnyń kópirden sekirmek bolǵany týraly habar kelip tústi. Politsiia qyzmetkerleri jetkenge deiin, 1982 jyly týǵan Z. esimdi azamatty kýágerler kópirden túsirip alǵan. Er adam oqiǵa ornyna kelgen «Býran-86» patrýldik jasaǵyna tapsyryldy»,– dep habarlady Almaty qalalyq Politsiia departamentiniń baspasóz qyzmeti.
Er adam óziniń is-áreketin politsiia qyzmetkerlerine, jumystan qaityp kele jatqanda telefon arqyly otbasynda qaiǵyly jaǵdai bolǵany týraly habardy estigenin aitqan. Oǵan politsiia jáne jedel járdem qyzmetkerlerimen birge psihologiialyq kómek kórsetildi. Qazir ol dárigerlerdiń baqylaýynda.
