Almatyda Sain kóshesi boiyndaǵy kópirde qaýipti triýk jasaǵan ekstremal politsiia bólimine jetkizildi, dep habarlaidy "Ult aqparat".
Ekstremaldy taspaǵa túsirip alǵan kýágerler beinejazbany áleýmettik jelige júktegen. Videodan er adam kópirdiń ústinde aiaǵyn kóterip, qolmen júrip bara jatqanyn kórýge bolady.
Politsiia departamentiniń baspasóz qyzmeti málim etkendei, adamdar 102 pýltine kópirdiń ústinde júrgen adam týraly habar bergen. Patrýldik politsiia ekipajy ony tergeý úshin Áýezov aýdandyq politsiia basqarmasyna jetkizdi.
«Belgili bolǵandai, 25 jastaǵy A. esimdi azamat, óziniń kásibi akrobatikamen ainalysatynyn aitqan. Osy kezde dosy ony dronmen videoǵa túsirip júrgen. Olar bir beinerolik daiyndap júrgen. Qazirgi ýaqytta onyń áreketteri QR Ákimshilik quqyq buzýshylyq týraly zańnyń 434-baby boiynsha jikteldi. Ol usaq buzaqylyq úshin jaýapqa tartylady», - dep habarlady politsiiadan.
