Almatyda kólik urlap, jol apatyn jasaǵan jigit ustaldy, dep habarlaidy QazAqparat.
Onyń videosy áleýmettik jelide paida boldy.
Almaty qalalyq politsiia departamentiniń málimetinshe, oqiǵa tańǵy saǵat beste bolǵan.
«Patrýldeý kezinde politseiler kúdik týdyrǵan kólikti toqtatty. Alaida, júrgizýshi ony elemei qasha jóneldi. Politseiler izine tústi. Ol joǵary jyldamdyqpen kele jatyp rýldi basqara almai, Shyǵys ainalma avtojolynda kele jatqan kóliktermen soqtyǵysty. Alǵan soqqydan kóliktiń qaýipsizdik jastyǵy iske qosyldy, júrgizýshi esinen tanyp qaldy, al onyń aiaǵy gaz pedalynda qaldy. Politseiler kóliktiń esigin ashyp, kólik urlaǵan jas jigittiń ómirin saqtap qalýǵa tyrysty. Birneshe árketten keiin ǵana áinekti syndyryp, otalyp turǵan kólikti óshirdi», - dep habarlady politsiiadan.
Alǵashqy meditsinalyq kómek kórsetilgennen keiin kúdikti Bostandyq aýdandyq politsiia basqarmasyna jetkizildi.
Kúdiktige qatysty QR Qylmystyq kodeksiniń 200-baby 1-bóligi boiynsha qylmystyq is qozǵaldy.
