Almaty qalasy Tótenshe jaǵdailar departamenti balarǵa arnalǵan arbalardyń jappai janýynyń jiilep ketkenin málim etti, dep habarlaidy "Ult aqparat".
Departament taratqan málimetke sáikes, 2020 jyldyń 6 qazannan bastap búgingi kúnge deiin kóppáterli turǵyn úilerdiń kireberisterindegi arbalar men velosipedterdi órteýdiń 35 jaǵdaiy tirkelgen.
«Tek 2020 jyldyń 6 qazany men 25 jeltoqsan aralyǵynda megapoliste túngi ýaqytta 20 órt tirkeldi. Sonymen qatar bir kúnde birneshe órt oqiǵalary boldy. Atap aitar bolsaq, 2020 jyldyń 7 qarashasynda tańǵy saǵat 7-den 10-ǵa deiingi ýaqytta Bostandyq aýdanynda № 2,14,28 «Qazaqfilm» jáne №5, 33 «Almagúl» shaǵynaýdandarynyń kópqabatty úilerinen shaqyrtý tústi. Birden 5 brigada jumyldyryldy. Sondai-aq 2021 jyldyń 27 aqpanynda tańǵy saǵat 7-den bastap, 10-ǵa deiingi ýaqyt aralyǵynda órt sóndirýshiler Bostandyq aýdanynyń «Kóktem» shaǵyn aýdanynda 3 mekenjai boiynsha órtti sóndirdi»,-dep atap ótti Tótenshe jaǵdailar departamentinen.
Sondai-aq qalanyń tórt aýdanynda, atap aitqanda Almaly, Áýezov, Bostandyq, Medeý aýdanydaǵy turǵyn úilerdiń kireberisterinde 15 bala arbasynyń janý deregi tirkelgen. Oǵan qosa basqa da turmystyq zattar órtengen.
«Júrgizilgen tekserý is-sharalaryna sáikes, barlyq jaǵdailarda órttiń qasaqana jasalǵandyǵy anyqtaldy. Qazirgi ýaqytta materialdar Almaty qalasynyń politsiia departamentine joldandy. Sonymen qatar Qazaqstan Respýblikasyndaǵy Órt qaýipsizdigi erejelerinine sáikes baspaldaq torlarynyń astynda, sondai-aq evakýatsiialyq joldarǵa kedergi keltiretin úi turmystyq zattardy, iaǵni balalar arbalary, shanalar, velosipedter men jihaz jinaýǵa tyiym salynady», - delingen habarlamada.
Osyǵan bailanysty, turǵyndardyń arasynda jaraqat alý, sondai-aq órt kezinde materialdyq shyǵyn keltirý jaǵdailaryn boldyrmaý maqsatynda TJD Almaty qalasynyń turǵyndarynan podezderde bala arbalaryn, velosipedterin qoimaýǵa shaqyrady.
