Almatyda halyqty jappai vaktsinatsiialaý bastaldy. Dárigerler qala turǵyndaryn aldyn ala jazylýǵa shaqyrýda, dep habarlaidy QazAqparat.
Almaty qalasy qoǵamdyq densaýlyq saqtaý basqarmasynyń ókili Laýra Myrzaǵalidiń aitýynsha, Almatyda saǵat 16:30-ǵa deiin vaktsinany 4 myńnan astam adam aldy. Vaktsinatsiia naýqany belsendi júrgizilip jatyr.
«Qazirgi ýaqytta Almatyda 56 egý kabineti bar, olardyń 16-sy jeke menshik. Biz koronavirýsqa qarsy vaktsinatsiiany alǵysy keletinderdiń barlyǵyn qarsy alamyz. Sáýir aiynda 250 egý pýnktin ashý josparda», — dedi Laýra Myrzaǵali.
Ol Almatynyń 30-dan astam saýda ortalyqtarynda koronavirýstan ekpe saldyrýǵa bolatynyn málim etti. Vaktsinatsiia saldyrǵysy kelgen kez kelgen adam ekpe ala alady. 1 sáýir kúni qalaǵa 21 860 doza vaktsina jetkizildi.
«Qazirgi ýaqytta biz Almaty qalasynda vaktsinatsiia josparyn ázirledik, búgin ol ákimmen kelisiletin bolady. Ázirshe biz barlyq uiymdastyrý máselelerin pysyqtap jatyrmyz, vaktsinatsiialaýdyń ýaqytsha pýnktteriniń oryndaryn pysyqtap jatyrmyz, sondai-aq osy ýchaskelerde kezekshilikti kim atqaratynyn anyqtaimyz», — dedi dáriger.
Sonymen birge, qazir qyzmet etip júrgen meditsina qyzmetkerlerine Almatynyń meditsinalyq kolledjderiniń túlekteri kómektesetin bolady. Sondyqtan egý pýnktterinde «mamandar jetispeýshiligi» bolady dep alańdaýǵa negiz joq.
Egý kabinetteri mektepterde, bazarlarda, sondai-aq SOO-da ashylady. Aldyn ala tizim jasaldy.
Budan basqa, Almaty bazarlarynyń aýmaǵynda: Ójet, Aq bulaq, Kenjehan, Tastaq, Orbita, Olja, Baisat, Túrksib jáne basqa oryndarda pýnktterdi uiymdastyrý máselesi qarastyrylýda.
Aita keteiik, vaktsinanyń birinshi komponenti 100% igerildi, barlyǵy 15 750 doza paidalanyldy. «Spýtnik-V» ekinshi komponentimen vaktsinatsiia (revaktsinatsiia) 15 sáýirge deiin jalǵasady. Almatyǵa sáýir men maýsym aralyǵynda vaktsinanyń qosymsha 750 myń dozasy jetkiziledi.
Sóz sońynda Laýra Myrzaǵali jappai vaktsinatsiialaý kezinde dúrligýdiń qajeti joq ekenin aitty.
