Almatyda halyqty jappai vaktsinalaý isine 970 volonter tartyldy. Bul týraly Almaty qalasynyń jappai vaktsinalaý shtaby eriktileriniń úilestirýshisi Jánibek Soltanai onlain brifingte aitty, dep habarlaidy QazAqparat.
2021 jyldyń sáýir aiynan bastap Almaty qalasynyń meditsinalyq joǵary oqý oryndary men meditsina kolldeji stýdentteri men oqytýshylary vaktsinalaý jumysyna belsendi aralasýda. Jalpy sany 970 volonter men mamandardyń barlyǵy Almaty joǵarǵy meditsinalyq kolledji, qoǵamdyq densaýlyq saqtaý joǵarǵy mektebi jáne Kolýmbiialyq ýniversitet janyndaǵy «Aikap» uiymynyń uiymdastyrýymen arnaiy oqytý kýrsynan ótken.
«Shaqyrylǵan 970 volonter men mamannyń 120-sy rezidentýra, 149-y internatýra, 221-i bakalavr, jalpy sany 490 bilim alýshy jumyldyrylǵan. Búgingi tańda qalamyzdyń 91 emhanasy, saýda-oiyn ortalyqtary men bazarlarda 364 volonter men shaqyrylǵan mamandar vaktsinatsiia pýnktterinde qyzmet atqarýda. Qalǵandary rezervtik tizimniń quramyna enip, kúndelikti pýnktterdegi qyzmetkerler qataryna qosylýda», - deidi Jánibek Soltanai.
Onyń aitýynsha, vaktsinatsiia pýnktterindegi koordinator qyzmetin meditsinalyq kolledj stýdentteri men Almaty qalasynyń meditsinalyq emes ýniversitetteriniń stýdentteri atqarýda. Olar pýnktterdegi betperde rejiminiń, 1,5 metr áleýmetik araqashyqtyqty saqtaýdy qadaǵalaý, adamdar aǵymyn retteý, aqparattyq kelisim qaǵazdary men vaktsinatsiia jaily kórnelik quraldardy taratýmen ainalysady.
«Tirkeýshi qyzmetinde meditsinalyq joǵarǵy oqý ornynyń stýdentteri men internderi meditsinalyq aqparattyq júiede jumys isteidi. Negizgi orta meditsinalyq qyzmetkerlerge dáriger-internder kómek kórsetýde. Sonymen qatar, dáriger-rezidentter kelýshilerdiń arteriialyq qan qysymyn ólsheidi, termometriia júrgizip, anamnez jinaidy jáne vaktsinatsiiadan keiin naýqastardy baqylaý jumysymen ainalysady», - dedi ol.
