Fotokollaj: ©️ qaz365.kz
Tanymal qazaqstandyq boksshy, bokstan KSRO-nyń eńbek sińirgen sport sheberi, Eýropa chempiony Serik Nurqazov Almatydan tabyldy, - dep habarlaidy Tengrinews.kz saity.
Almaty PD málimetinshe, Serik Nurqazov aman-esen tabylyp, týystaryna tapsyrylǵan.
Habar-osharsyz ketken azamattyń qaida ekenin anyqtaý úshin arnaiy izdestirý toby qurylǵany atap ótildi.
Eske salaiyq, buǵan deiin Almatyda 64 jastaǵy Serik Nurqazovtyń 14 jeltoqsanda joǵalyp ketkeni habarlanǵan bolatyn.
Serik Nurqazov 1980 jyldary KSRO quramasynda bolǵan. Ol - 1981 jyly Tamperede ótken Eýropa chempionatynyń qola júldegeri, 1983 jyly Rimde ótken álem chempionatynyń kúmis júldegeri, 1983 jyly Varnada ótken Eýropa chempiony, Qazaqstan men KSRO-nyń birneshe dúrkin chempiony. 1984 jyly "Úzdik boksshy" ataǵy berildi.
