Almatyda qalalyq Balalar klinikalyq juqpaly aýrýlar aýrýhanasynyń aýmaǵyn sý basty, dep habarlaidy "Ult aqparat".
Aǵashtar men butaqtar elektr symyn úzip ketip, qos qabatty turǵyn úige qulaǵan.
Qalalyq qutqarý qyzmetiniń málimetine sáikes, bul kún jylyp, kóktem kelýine bailanysty bolyp otyr.
10 naýryz kúni keshke qutqarýshylar Naýryzbai aýdanynda ornalasqan Tastybulaq ózeniniń arnasyn turmystyq qaldyqtan, kólik dóńgelekterinen jáne basqa da qoqystan tazalady. Raiymbek dańǵylynyń boiyndaǵy kópirdiń astynan qoqys shyǵaryldy.
Qazirgi tańda joldardy sý basý qaýpi joq.
Búginde tótenshe jaǵdaidyń aldyn alý úshin 12 tehnika, 12 motopompa jáne Almaty qalasy Qutqarý qyzmetiniń 29 jumysshysy jumyldyrylǵan.
«Sondai-aq, jaýyn-shashyn men qar jamylǵysynyń turaqsyz kúiine bailanysty Úlken jáne Kishi Almaty ózenderiniń basseinderindegi taý betkeilerinde 11 naýryzda qar kóshkini qaýpi bar. Osyǵan bailanysty Qutqarý qyzmeti qala turǵyndaryn qalyń qarly betkeilerge barýdan saq bolýǵa shaqyrady», - dedi qutqarý qyzmetinen.
