Almatyda «World Business Consulting» qarjy piramidasynyń qyzmetin uiymdastyrýshylarǵa qatysty qylmystyq is qozǵaldy, dep habarlaidy Qarjylyq monitoring agenttiginiń baspasóz qyzmeti.
Vedomstvonyń Almaty qalasy boiynsha aýmaqtyq departamenti isti qylmystyq isti tergep-tekserip jatyr.
«Qarjylyq barlaý málimetteri boiynsha, qarjy piramidasyn uiymdastyrýshylar azamattarǵa World trend Strategies, Confidence World Group, HUBB international, Riviera imperial, Asteco jáne t.b. úlestes kompaniialardyń investitsiialyq jobalaryna aqshalai qarajat salýdy usynǵan. Bul úlestes kompaniialar zańdy qyzmetten emes, jańa salymshylardyń qarajaty esebinen syiaqy alýǵa kepildik berip otyrǵan», delingen habarlamada.
Sotqa deiingi tergep-tekserý qarjy piramidasyn uiymdastyrýshylar shetelde júrip, qazaqstandyqtarmen beinebailanys arqyly onlain kezdesý ótkizetini, onda jańa klientterdi tartý múmkindigi, sondai-aq olardyń zańdy qyzmeti týraly jalǵan aqparat taratatynyn anyqtaǵan.
Agenttiktiń málimdeýinshe, tergeý múddesine orai ózge aqparattar jariialanbaidy.
Agenttik azamattarǵa abai bolýdy jáne óz jinaqtaryn kúmándi qarjy uiymdaryna salmaýdy, sondai-aq WBC uiymdastyrýshylarynyń jalǵan aqparatyna senbeýdi eskertedi.
«World Business Consulting» qyzmetine tap bolǵandar, Almaty qalasy ETD telefonyna habarlasy kerek +7 775 923 40 90, +7 708 192 28 18. Basqa qalalardyń turǵyndary agenttiktiń aýmaqtyq Ekonomikalyq tergep-tekserý departamentterine júginýine bolady.
