Almatyda iri qarjy piramidasyn uiymdastyrýshy ustaldy, dep habarlaidy "Ult aqparat".
Almaty qalalyq Politsiia departamentiniń málimetinshe, 1982 jyly týǵan K. esimdi azamat Qylmystyq kodekstiń 217-baby 3-bóligi, 2-tarmaǵy boiynsha qarastyrylǵan qylmys jasaǵany úshin aiyptalyp otyr.
Kúdikti qamaýǵa alyndy.
«Esterińizge sala keteiik, bir top azamat Almaty qalalyq politsiia departamentine qarjylyq piramida qurý jáne basqarý faktisi boiynsha ASTEX.KZ JShS, ACD technology JShS jáne MUDARABAN Capital JShS laýazymdy tulǵalaryna qatysty ujymdyq aryzben júgindi.
Sotqa deiingi tergeý barysynda 2019-2021 jyldar aralyǵyńda atalǵan JShS laýazymdy tulǵalary jeke jáne zańdy tulǵalarmen memlekettik satyp alýǵa qatysýǵa talap etilgen qarajatty tartý maqsatynda birlesken qyzmet týraly kelisimsharttar jasaǵany anyqtaldy. Ekijaqty qujatqa sáikes, firmalar ár salymshyǵa ai saiyn engizilgen somanyń 20% tóleýi kerek bolatyn», - dedi Almaty politsiia departamenti bastyǵynyń tergeý jumystary jónindegi orynbasary Rústam Ábdirahmanov.
Sonymen qatar, ol 1974 jyly týǵan M. esimdi azamat ta qarjy piramidasyn qurý men basqarýdy jasady degen kúdikke ilingenin aitty.
Qazir ony ustaý úshin jedel-tergeý sharalar kesheni júrgizilýde.
