Almatyda karshering kóligi aýdarylyp qaldy, dep habarlaidy "Ult aqparat" QazAqparat agenttigine silteme jasap.
Jol apatynyń videosy áleýmettik jelide tarady.
Almaty qalalyq Politsiia departamentiniń málimetinshe, apat 9 qyrkúiek kúni túski saǵat 14:10 shamasynda ál-Farabi dańǵylynda bolǵan.
«Volkswagen Polo» kóliginiń 24 jastaǵy júrgizýshisi ál-Farabi dańǵylymen shyǵys baǵytta kele jatyp rýlge ie bola almai «Qazaqfilm» ǵimaratynyń mańynda aǵashqa soǵylyp, aýdarylyp qaldy», - dep túsindirdi politsiiadaǵylar.
Jol-kólik apaty saldarynan avtokólik júrgizýshisi jaraqat aldy, ony jedel járdem brigadasy sol jerde tekserdi.
