Foto: Almaty ákimdigi
Almaty qalasynda Qarǵaly ózenine belgisiz zattyń tógilýine bailanysty ekologiialyq tergeý bastaldy, dep habarlaidy Ult.kz.
Búgin Jandosov kóshesi men Abai dańǵylynyń arasyndaǵy aýmaqta ózen sýynyń túsi ózgergeni baiqaldy. Aldyn ala boljam boiynsha, kópirden ózenge jasyl tústi himiialyq zat tógilgen bolýy múmkin.
Oqiǵa ornyna dereý jetken qalalyq Ekologiia jáne qorshaǵan ortany qorǵaý basqarmasynyń mamandary aýmaqty tekserip shyqty. Sý quramyn naqtylaý jáne lastaný deńgeiin anyqtaý maqsatynda Ekologiia departamenti men Sanitariialyq-epidemiologiialyq baqylaý departamentiniń mamandary synamalar alyp, zerthanaǵa jiberdi.
Saraptama nátijesi anyqtalǵan soń, 2025 jylǵy 5 tamyz kúni Almaty qalasynyń Ekologiia basqarmasy, Naýryzbai aýdany ákimdigi, Ekologiia departamenti, Sanitariialyq-epidemiologiialyq baqylaý departamenti jáne Balqash-Alakól basseindik inspektsiiasy birlesip, jaǵdaidyń sebebi men kináli tulǵalardy anyqtaý jumystaryn júrgizbek.
Qazirgi ýaqytta ózen arnasyndaǵy sý tabiǵi qalpyna kelip, lastaný belgileri baiqalmaidy.
Oqiǵa baqylaýda. Qoǵamdyq qaýipsizdik pen qorshaǵan ortaǵa ziian keltirý deregi boiynsha tergeý jalǵasýda.
