Almaty qalasynyń bas memlekettik sanitar dárigeri Jandarbek Bekshin onlain brifing barysynda megapolistegi shekteý sharalary nelikten Nur-Sultanǵa qaraǵanda qatań ekenin túsindirdi, dep habarlaidy QazAqparat.
«Almatyda koronavirýs infektsiiasyn juqtyrý 3 naýryzdan bastap ósti. Al, Nur-Sultan qalasynda 20 naýryzdan bastap jaǵdai kúrdelene bastady. Sonymen qatar, elde mýtatsiialanǵan shtamdar paida boldy. Biz muny ótken aptada anyqtap, zerthanalyq zertteýlermen rastadyq. Osy mýtatsiialanǵan shtamdar aýrýdyń tez taralýyna ákep soqty. Osyny eskere otyryp, biz qatań sharalardy engizdik», - dep túsindirdi Jandarbek Bekshin.
Aita keteiik, Almatyda karantin sharalary 12 sáýirge deiin uzartyldy.
Qaýlyǵa sáikes, JOO men kolledj stýdentteri, jalpy bilim beretin mektep oqýshylaryn qashyqtan oqytý formatyna aýystyrylady.
Sondai-aq ata-anasynyń ótinishi boiynsha jalpy bilim beretin mektepterdiń 1-5, 9 jáne 11-synyptarda bala sany 15-ke deiin bolatyn kezekshi toptar ashýǵa ruqsat berilgeni belgili boldy.
