Almaty qalasynyń Bilim basqarmasy karantin jaǵdaiynda oqýshylardyń bilim alý tártibi týraly bas sanitarlyq dárigerdiń jańa qaýlysyn túsindirdi, dep habarlaidy "Ult aqparat".
«Epidemiologiialyq jaǵdaidyń nasharlaýyna bailanysty, 13 naýryzdan bastap Almatyda oqýshylar onlain rejimge qaita kóshedi», - dedi bilim basqarmasy.
Buǵan deiin Almatyda 43-ten astam mektep dástúrli bilim alýǵa kóshken bolatyn.
Qalada jalpy 287 myń oqýshysy bar 278 mektep bar. Onyń ishinde 270 myń oqýshyǵa bilim beretin 207 - memlekettik jáne 17 myń oqýshysy bar - 17 jekemenshik bilim oshaǵy.
10 naýryzda Almaty koronovirýs boiynsha «qyzyl» aimaqqa endi. Qalada 13 naýryzdan bastap karantin sharalary kúsheidi.
Almaty Memlekettik bas sanitarlyq dáriger Jandarbek Bekshin mektep synyptarynda oqýshy sany 25-ke jetkizilmeýi tiistigin aitty.
