Almaty qalasynyń bas sanitarlyq dárigeri Jandarbek Bekshin engizilip otyrǵan qosymsha shekteý sharalaryna bailanysty bankter qalai jumys isteitinin aitty, dep habarlaidy QazAqparat.
«Biz banktik qyzmet kórsetý salasy týraly kóp talqyladyq. Buiryqqa sáikes bankterdiń qyzmeti tek qashyqtan jumys isteitin adamdardyń paiyzdyq mólsherlemesimen shekteletin bolady. Bankter apparattarynyń ortalyq bólimsheleriniń qyzmetkerleri 60% qashyqtan jumys isteidi. Al filialdar 40% onlain formatqa aýystyrylady», - dedi Jandarbek Bekshin.
Sonymen qatar, ol bank qyzmetkerleri arasynda koronavirýs juqtyrǵandardyń kóp ekenin basa aitty.
«Bank salasy infektsiiany juqtyrý qaýpi joǵary topqa jatady. Sebebi jabyq mekemede jumys isteidi», - dep qosty bas sanitarlyq dáriger.
