Kúsheitilgen karantin rejiminde eń jaqyn azyq-túlik dúkeni men dárihanany qalai tabýǵa bolady? Bul týraly búgin qala ákiminiń orynbasary Erlan Qojaǵapanov aitty, dep habarlaidy QazAqparat.
«Adamdar jaqyn jerdegi dúkenderge ǵana barýy kerek. Bul másele tek turǵyndar arasynda ǵana emes politsiia patrýlderine de túsindiriledi. Shtab basshysy, qala ákimi kúnde tańǵy jinalystarda osyǵan mán beredi. Ár politsiia qyzmetkeri ár sitýatsiiaǵa túsinikpen qaraýy tiis», - dedi qala ákimi.
Bul qashyqtyqty politsiia arnaiy planshetter arqyly baqylaityn bolady.
«Olarda planshet, telefon, gadjetter bar. Google, 2gis, Iandeks qosymshalary júktelgen. Politsiia osylai ár adamnyń júrisin retteitin bolady. Tek jekemenshik sektordyń turǵyndaryna qatysty talap ózgerýi múmkin. Adamnyń qolynda azyq-túlik bolmasa eshkim ony qamap tastamaidy. Bul – májbúrlikten týyp otyrǵan shara. Halyqaralyq tájiribe kórsetkendei, adamdar tolyq oqshaýlansa ǵana indet kórsetkishteri tómendeidi. Ókinishke orai bul kórsetkish áli ósip keledi», - dedi E. Qojaǵapanov.
