Almaty qalasynyń ortalyǵynda saýnalar men spa-salondarda jeńil júristi 30 áiel ustaldy, dep habarlaidy "Ult aqparat".
Quramynda Medeý aýdanynyń politsiia qyzmetkerleri bar monitoringtik top segiz saýnany, spa-salondardy jáne bodi-massaj qyzmetin usyný nysandaryn tekserdi. Nátijesinde birqatar zańbuzýshylyq anyqtaldy.
«Reidter túngi ýaqytta júrgizildi. Bul mekemelerde jezókshelikpen ainalysatyn áielderdiń de jumys isteitini, olardyń keibiriniń qujattary múldem bolmaǵany anyqtaldy. Bir sózben aitqanda, pritondar «dene massajy», «SPA-salon» jáne «saýna» belgilerimen jumys istedi. SES ókilderi mekeme ieleri men ákimshilerine qarsy QR ÁQbK-niń 425-babyna sáikes sharalar qabyldady. Sonymen qatar, quqyq buzýshylarǵa qatysty QR ÁQbK-niń 492-baby men QR ÁQbK-niń 450-babyna sáikes ákimshilik materialdar jinaldy», – dedi Medeý aýdandyq politsiia basqarmasy bastyǵynyń birinshi orynbasary Elnur Kudretbaev.
Sonymen qatar, ol jumysshylardy, sondai-aq saýnalar men salondarǵa kelýshilerdi quqyq buzýshylyqtar boiynsha sharalar qabyldaý jáne olardyń basqa zańsyzdyqtarǵa qatysy bar-joǵyn tekserý maqsatynda politsiiaǵa jetkizilgenin atap ótti.
