Karantin kezinde psihikalyq densaýlyq ortalyǵyna 300-den astam adam júgingen. Bul týraly búgin Respýblikalyq psihikalyq densaýlyq ǵylymi-praktikalyq ortalyǵynyń bas direktory Nikolai Negai onlain brifing barysynda aitty, dep habarlaidy QazAqparat.
«Biz 2020 jyldyń 4 sáýirinen bastap jumys istep jatyrmyz. Osy ýaqyt ishinde 300 onlain-keńes ótkizildi. Negizinen oqshaýlanyp jatqan eresekter habarlasqan. Bizde bilikti psihologtar, psihoterapevter, psihiatrlardan quralǵan 61 maman jumys isteidi. Alty baqylaýshy qiyn jaǵdailarmen jumys júrgizedi. Sonymen qatar, Youtube arnasynda 50-ge jýyq bilim beinematerialyn jariialadyq», – deidi Nikolai Negai.
Onyń aitýynsha, mamandar psihologiialyq máselelerge bailanysty 263 onlain-keńes ótkizip, psiholog, psihoterapevterge 47 keńes berdi.
Ortalyqtyń resýrsyna 30 myńnan astam adam kirgen.
«Negizinen bizge kúizelis, ashýshańdyq, agressiia, qorqynysh, alkogoldi shekten tys kóp ishý, depressiia, otbasylyq-turmystyq problemalar, quqyqtyq qoldaý qajettiligi jáne taǵy basqa máseleler boiynsha habarlasady. Biz kórsetiletin kómektiń tiimdiligin zerttedik. Nátije bar. Árine, adamǵa onlain keńes berý qiyn. Alaida, osy epidemiologiialyq jaǵdaida biz sheshim tabýǵa tyrysamyz», - dedi ol.
Aitý ketý kerek, áleýmettik-psihologiialyq ońaltýdyń jalpy kontentin Qazaqstandaǵy BUU Balalar qory (IýNISEF) jáne Almaty qalasynyń qoǵamdyq densaýlyq basqarmasy ázirlegen.
