Almaty qalasynyń bas memlekettik sanitar dárigeri Jandarbek Bekshin karantindik shekteýlerdi jeńildetýdiń úshinshi kezeńi týraly aitty, dep habarlaidy "Ult aqparat".
Onyń aitýynsha, qazir qalada shekteý sharalaryn kezeń-kezeńimen alyp tastaý júzege asyrylýda. Onyń ishinde kitaphanalar, mýzeiler men dini oryndar bar.
«Sonymen qatar, mektepterde kezekshi toptardyń jumysyna ruqsat berilgen. Oǵan qosa, jumys kúnderi basseinder ashyq. 15 adamnan aspaityn toppen saiabaqtar men ózge de tabiǵi aýmaqqa shyǵýǵa bolady», - deidi Jandarbek Bekshin.
Sondai-aq ol qaladaǵy epidemiologiialyq jaǵdai turaqtalǵanyna qaramastan, QR Eńbek zańnamasyna sáikes demalys jáne mereke kúnderi shekteý sharalary engiziletinin atap ótti.
«Bul nusqaýdyń azyq-túlik sýpermarketteri men dárihanalarǵa qatysy joq. Qaladaǵy oiyn-saýyq ortalyqtary, azyq-túlik emes saýda oryndary, jabyq bazarlar, sulýlyq salondary, sport ortalyqtary, jattyǵý zaldary, ashyq aýadaǵy attraktsiondar jumys istemeidi», - dedi ol.
Onlain brifing barysynda Jandarbek Bekshin Almatyda karantindi jeńildetýdiń úshinshi kezeńi týraly aitty.
«Densaýlyq saqtaý ministrligi karantindi jeńildetý týraly odan ári sheshim qabyldaý kezinde eskeretin kórsetkishterdi bekitti. Bul sońǵy aptadaǵy aýrý men ólim kórsetkishi, infektsiia koeffitsienti, táýliktik ósim. Osy derekterdi eskere otyryp, biz sheshim qabyldaimyz. Búgingi tańda karantin erejelerin taǵy da jeńildetýdiń alǵysharttary bar. Alaida jaǵdaidy baqylap, durys sheshim qabyldaý úshin kem degende bir aptadaǵy kórsetkish turaqty bolýy qajet», - dedi spiker.
