Almatyda qańtar oqiǵasyna qatysqan 331 adam túrli merzimge sottaldy. Bul týraly QR Bas prokýratýrasy 1-qyzmet bastyǵynyń orynbasary Eldos Qilymjanov aitty, dep habarlaidy QazAqparat.
«Qańtar oqiǵalaryna bailanysty elimiz boiynsha barlyǵy 5 065 sotqa deiingi tergep-tekserý tirkelgen. 514 kúdikti adam sot sanktsiiasymen qamaýda. Eger adamdar anyqtalsa, qajetti tergeý áreketteri júrgizilgennen keiin nemese protsestik kelisim jasalǵannan soń ister birden sotqa joldanýda. Búgingi kúni 337 qylmystyq is sotqa joldanyp, olardan 331 adam túrli jazalarǵa sottaldy», - dedi ol Ortalyq kommýnikatsiialar qyzmetindegi brifing barysynda.
Onyń aitýynsha, sotpen protsestik kelisim negizinde túsken jappai tártipsizdikterge qatysý boiynsha qylmystyq isterdi qaraý nátijelerimen 14 adam bas bostandyǵynan aiyrýǵa bailanysty emes jazalarǵa sottaldy.
«Zań boiynsha atalǵan sanattaǵy ister on táýlikten aspaityn merzimde qaralady. Qalǵan qylmystyq ister sottarmen orta eseppen 2 aiǵa deiin qaralady. Bul is boiynsha sot tergeýiniń júrgizilýimen, qylmystyq protsestik barlyq taraptaryn tyńdaý jáne olardyń ýájderin qaraý qajettiligimen túsindiriledi. Sottarmen jasalǵan qylmystyń barlyq mán-jailary muqiiat zerdelenedi. Bul protsedýralardyń barlyǵy ádil sot aktisin shyǵarý úshin qajet», - dedi Eldos Qilymjanov.
