Almaty qalasynyń politsiia departamenti qańtar oqiǵalaryna bailanysty qylmystyq quqyq buzýshylyq faktilerin ashýdy jáne tergeý jumystaryn odan ári jalǵastyrýda. Bul týraly Almaty politsiia departamenti bastyǵynyń orynbasary Rýstam Abdrahmanov áleýmettik jelide jazdy, dep habarlaidy QazAqparat.
Onyń aitýynsha, búgingi tańda sotqa deiingi tergeýdiń biryńǵai tizilimine politsiia departamenti men onyń aýmaqtyq bólimsheleri 1 481 qylmystyq isti tirkedi.
Olardyń ishinde bótenniń múlkin urlaý – 1 213, bótenniń múlkin qasaqana joiý – 46, qarý men oq-dárilerdi zańsyz saqtaý faktileri boiynsha 41 is bar.
Joǵaryda atalǵan qylmystardy jasady degen kúdikpen 236 adam ustaldy. Onyń ishinde 214-ine qatysty sot «kúzetpen ustaý» bultartpaý sharasyna sanktsiia shyǵardy. Úsh kúdiktige qatysty «eshqaida ketpeý jáne tártiptilik tanytý qolhaty» túrinde bultartpaý sharasy tańdaldy.
«Júrgizilgen jedel-izdestirý is-sharalary nátijesinde zańsyz ainalymnan 144 atys qarýy men 8 myńnan astam oq-dári tárkilendi. Narazylyq aktsiialary kezinde qylmystyq elementtermen Almaty qalasynyń aýmaǵynda ornalasqan 1 602 obektige shabýyldar jasalyp, dúnie-múlikter talqandaldy. Qazirgi ýaqytta PD tergeý bólimsheleri búlingen obektilerdiń jalpy sanynyń 97%-yn tekserip shyqty. Bul baǵyttaǵy jumys aiaqtalý satysynda», - dedi Rýstam Abdrahmanov.
